أخبارعاجلةأخبارمصرالمرأهتقاريرصحتكمنوعات

ذراعي خط أحمر لمحاربات سرطان الثدي

إسراء عبدالحافظ

مبادرة #ذراعي_خط_حمر
فى نشر الوعي لحماية محاربات سرطان الثدى والليمفيديما والمحافظة على الذراع المستئصل منها الغدد الليمفاوية عن طريق ارتداء الأسورة الخاصة بالمبادرة
تحت رعاية    د مها نور

شكراً لكل من ساعد لتوفيرها الأسورة وقام بالتبرع بالمال او الجهد او توصيل الفكرة لكل مكان وتوصيل التوعية لنجاة كل مريضات السرطان من مرض الليمفيديما.

وروت قصتها الدكتورة  ” مها نور ” أنها منذ فترة اتعرضت لموقف وهي  بتعمل العمليه الاخيره الموقف ده كان هيتسبب في عاهة مستديمه لذراعها وقالت إن يوجد  ناس كتير متعرفش اننا مرضى سرطان الثدي لما بيشيلو الثدي او جزء منه لازم مع اجراءات العمليه ان الدكتور بيشيل الغدد اللي تحت الأبط وده بيكون نتيجته مش سهله بيكون بعد الازلة ممنوع منعا باتا اننا نتجرح او نتلسع او نقيس ضغط او ناخد حقنه او نلبس هدوم ضيقه او نشيل حاجه تقيلة او حتي نعصر ايشارب

يعني تقريبا الذراع ده اتحكم عليه بالاعدام وكل الممنوعات دي لازم ناخد بالنا منها لان لو حصلت بنتعرض وقتها لمرض اسمه الليمفيديما يعني الذراع المصابه هتتنفخ وتبقي شبه رجل الفيل وملهاش اي علاج مطلقا للاسف هيفضل ذراعنا مشوه لحد اخر يوم في العمر احنا للاسف مشوهين داخليا لما استئصل جزء من جسمنا مش عايزين كمان نشوه من بره غصب عننا او بسبب ممارسات بتحصل بسبب جهل ناس كتير بكيفية التعامل معانا ومع ذراعنا المصاب

المشكله بقي اني لما دخلت حجرة العمليات محدش سالني اي ذراع اللي مستأصل منه الثدي والغدد والممرضات كانو اجانب وبداو يشيلو الجاون من علي ذراعي عشان يركبو الاجهزه ويحطو الكانيولا

انا مكنتش وقتها مركزه ومش وخده بالي لحد ما فجاه ربنا فوقني وصرخت فيهم (بس وقفي متحطيش الابره هنا انا عندي كانسر وشايله الغدد طبعا هما اجانب ومش فاهمين صوتي علي ولما الدكتور جه قولتله هدوني ورجعو لبسوني تاني وفكو الناحيه التانيه السليمه وطول ماانا نايمه علي السرير مكنش في علي لساني غير ذراعي يارب مينسوش ) مع العلم انها مستشفي استثماري كبير

ومن اليوم ده جاتلي فكرة مبادره لانقاذ كل سيدة عندها سرطان ثدي من ان يحصلها كده زي الموقف بتاعي او مواقف تانيه

احنا كلنا مرضى او سلام ممكن نتعرض اننا واحنا ماشين يغمي علينا او نعمل حادث طيب في الوقت ده لو اغمي عليا ودخلت مستشفي ايه اول اجراء لازم يتعمل طبعا قياس الضغط من الذراع الشمال واخد عينه دم او نقل دم الدكاتره هنا اللي بيلحقونا مش هيعرفوا انك مريضه سرطان ثدي وميعرفوش اي ذراع ممكن يتعاملو معاه بالخقن وقياس الضغط وانهي السليم عشان كده فكرت جديا في عمل مبادره وسمتها

#ذراعي_خط_أحمر

عباره عن اسوره تتلبس في الذراع المصابه وتكون شكلها لطيف محبب متتقلعش ابدا من ايدك ويعمم شكلها في كل انحاء محافظات مصر بحيث كل المستشفيات والعيادات والناس مجرد ماتشوفها تعرف ان الذراع ده خط احمر لازم ابعد عنه

اتمني تساعدوني لتوصيل الفكره وانها فعلا تتحقق وتنقذ ناس كتير تعبت من التشوه اللي بيحصل لنا بعد استئصال جزء من جسمنا بلاش كمان بالجهل والممارسات الخطاء نتشوه من بره ده غير الحاله النفسبه اللي ممكن نتعرضلها لما نلاقي شكل ذراعنا زي رجل الفيل وخايفين نسلم علي حد او نلبس حاجه تبين شكله

#ذراعي_خط_أحمر مبادره انسانيه لكل مريضات سرطان الثدي
#مها_نور
تحديث تم تصنيع الاسوره وهي من النحاس الخام محفور عليها كلمات باللغة الانجليزيه عبارات معترف بها دوليا بمعني ممنوع قياس الضغط اخد عينات دم ممنوع الحقن ومكتوب باللغة العربيه اسم المبادرة والختم الموثق الاسوره موثقة رسميا ملكية فكرية وشهر عقاري وبراءة اختراع للدكتورة مها نور .

Facebook Comments

أخبار ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

إغلاق